چا دی پیالی

چا دی پیالی (پنجابی نظم)

جدوں وی مَیں اونوں ویکھاں

میرے مُنہ تے آ جاندی اے لالی

ربّا سوہنیا ! مَیں ہور کُج نہیں منگدا

بس ملدی روَئے مینوں چا دی پیالی

مَیں کئی کم کرنے ہُندے نیں

تتر بٹیر وی پھڑنے ہُندے نیں

تھکاوٹ کر دیندی مینوں بے خیالی

فیر میں طلب کرنا واں ایک چا دی پیالی

صبح سویرے جیویں مَیں اُٹھیا

میرا کسے نے حال نہیں پُچھیا

کیویں مَیں ساری رات ٹپا لئی

بِن چا دی ایک پیالی

تیرے جیا کوئی نہ ہور

جیدے دل وِچ کالا چور

رکھدی جیڑی چال نرالی

پُچھ نہیں سکدی چا دی پیالی

دِن چڑھیا تے رات وی گئی

تیرے آن دی آس وی گئی

اج وی دل اے خالی خالی

بس ہُن دل منگدا ایک چا دی پیالی

توں تاں لگدا ہسدی نہیں

حال کسے نوں دسدی نہیں

پائی رکھدی قمیض ایں کالی

چھڈ دُکھڑا پی چا دی پیالی

ربّا میرے مینوں معاف کریں

میرے دل نوں صاف کریں

مَیں آں تیرے در دا سوالی

لبدی روئے مینوں چا دی پیالی

میری ہر گل تُوں مَن لیا کر

جیویں مَیں آکھاں کر لیا کر

توں ایں گُلشن تے مَیں آں مالی

آ مل بیٹھ پیے چا دی پیالی

ہسدی ہوئی توں کِڈی سوہنی لگدی

میری رَت نوں توں دو گُنا کردی

نین تیرے نیں دویں بے مثالی

چل لے آ ہُن چا دی پیالی

مَیں تیرے بغیر رہ نہیں سکدا

تینوں کُج وی مَیں کہہ نہیں سکدا

بس بن جا توں میرے کر والی

فیر پیواں گے دویں چا دی پیالی

افضلاؔ توں دل اپنا چھوٹا نہ کر

مقدر اپنے نوں کھوٹا نا کر

سدا نئیوں رہنی اے قسمت کالی

کدی تاں ملے گی چا دی پیالی

(محمد افضل)